Sa patuloy na pagsakop ng social networking site sa ating katauhan, marahil hindi na bago sa inyo ang salitang "LSS" o last song syndrome. Iyon
bang animo'y nakaukit ang liriko at himig ng huli mong napakinggang
awit sa iyong isipan. Patuloy mo itong naaalala at kinakanta ng
paulit-ulit habang nagpapagupit sa Parlor, nakikinig sa
pag-aaway ng kapitbahay,bumibili ng ulam sa palengke o maging habang
naglalaba sa batis. itanggi mo man o hindi ang mga kantang ito na
nakapagpa -LSS sa iyo ay ang mga kantang "alien" para sa ating mga
Pilipino. Sa madaling sabi ay produkto ng mga dayuhan. Tunay ngang
nakalalason ang mga ganitong uri ng kanta. Sapagkat karamihan sa ma
Pilipinong nakaririnig nito partikular na ang mga kabataan ay
nagkakaroon ng amnesia . Ang ibig kong sabihin ay nabubura na
sa kanilang ala ala ang musikang Pilipino at napapalitan ng mga awiting
kung tutuusin ay hindi naman talaga malinaw para sa atin ang tunay
nitong kahulugan.
NP: ANAK NG PASIG
Ako'y umusbong sa tabi ng Pasig
Nagisnan ang ilog na itim ang tubig
Lumaking paligid ng bundok na umuusok
Langhap na langhap ang amoy ng basurang bulok
Ito ang buhay ng anak ng Pasig
Pa-swimming swimming sa itim na tubig
Playground lang ang bundok ng basura mo
Musika'y ugong ng kotse at bangka n'yo
Anak ng Pasig naman kayo
Kalat doon, kalat dito
Natakpan na ang langit kong ito
Nilason din ang Ilog ko
Akala ko'y ganoon talaga ang mundo
Hanggang nakakita ako ng lumang litrato
Di maniwalang Pasig din ang tinitignan ko
Kaibigan ano ang nangyari dito
(Anong nangyari? Anong nangyari?)
Anak ng Pasig naman kayo
Kalat doon, kalat dito
Natakpan na ang langit kong ito
Nilason din ang Ilog ko
Anak ng Pasig naman kayo
Tapon doon, tapon dito
Di n'yo alam ang tinatapon n'yo
Ay bukas ko at ng buong mundo
Huli na ba ang lahat
Patay na ba ang ilog at dagat
Kapag Pasig ay pinabayaan
Parang bukas ang tinalikuran
Anak ng Pasig naman kayo
Kalat doon, kalat dito
Natakpan na ang langit kong ito
Nilason din ang Ilog ko
Anak ng Pasig naman kayo
Tapon doon, tapon dito
Di n'yo alam ang tinatapon n'yo
Ay bukas ko at ng buong mundo
Anak ng Pasig naman kayo
May bukas pa ang ating mundo.
Gaya ng aking unang nabanggit, maging ako ay na-LSS na
rin sa awiting ito. Ngunit nais kong linawin na ako ay Pilipino kaya
buong puso kong tinatangkilik ang musikang solidong produkto ng lupa
kong tinubuan, ang Pilipinas.
"di niyo alam ang
tinatapon niyo ay bukas ko at ng buong mundo". isang linya mula sa
kantang Anak ng Pasig.Sa katunayan ako'y nasa ikatlong taon na ng
sekondarya bago ko pa nakilala ang kantang ito, ni minsan kasi ay hindi
ko ito napakinggan sa radyo at kung hindi dahil sa patimpalak sa aming
paaralan, marahil ay bulag at manhid pa rin ako sa mga sandaling ito.
Polusyon ang pinaka malaking kalapastanganan natin sa kalikasan. Unti
unti nitong kinikitil ang paraisong ngayo'y sa panaginip na lang
masisilayan. Ito rin ang dahilan kung bakit ko lubos na nagustuhan ang
awiting anak ng pasig. pangunahing dahilan ay ginigising nito ang
natutulog nating kamalayan patungkol sa tunay na kalagayan ni inang
kalikasan. ipinagkukumpara dito ang kapaligiran sa kasalukuyan at
nakaraan. Maganda ang naging konsepto ng manunulat kung bakit niya
ginawa ang kantang ito, isa na rin sigurong aspeto ay ang kanyang
karanasan sa kanyang kapaligiran na ayon nga sa isang panayam kay Adru
Abraham. Marahil ito ang kanyang naisip na paraan upang baguhin ang
anumang pagpapabaya ng bawat isa sa atin. ginamit niya ang ilog pasig
bilang simbolo ng ating bansa, dahil kung tutuusin hindi lamang ang
ilog na nabanggit ang nasa nakapanlulumong kalagayan kundi maging saan
mang sulok ng Pilipinas. "tapon doon tapon dito",sa ganitong gawi ay
lalo lamang natin pinatutunayan ang kawalang disiplina ng bawat isa.
Paano na lamang ang susunod pang henerasyon?Ang mga nakakalbong
kagubatan at maduming kapaligiran ang mga piping saksi sa ating
pagkakamali at ang awiting ito ang nagsalita sa kanilang tunay na
katayuan. Nakasisiguro rin naman ako na kung may kakayahan nga ang
kalikasan na gawin iyon ay higit pa riyan ang kanyang sasabihin.
Ibinabato natin sa dakilang lumikha ang sisi sa tuwing makararanas tayo
ng anumang kalamidad na kumikitil ng maraming buhay maging dito o sa
labas ng ating bansa. Ngunit hindi rin ba sumagi sa ating isip ang
ating pagkakamali? kaya ng niya nilalang ang kalikasan upang maging
ating pananggalang pagdating sa ganyang sitwasyon. kung ako'y iyong
tatanungin hindi ko masasabing tuluyan na akong nagising ngunit unti
unti ng namumulat ang aking mga mata at gumagawa ng kilos na maaring
makapagpalaya sa inang kalikasan mula sa pagkakabilanggo sa pang
aalipusta.
Ang awiting ito ay hindi lamang basta
nakagbibigay aliw at kasiyahan sapagkat sa likod ng mga liriko at
maganda nitong himig ay mapagtatanto natin ang tunay nitong nilalaman.
atin sanang paka tandaan na walang instrumento na maaaring makapagbalik
sa atin sa nakaraan. hindi na natin maaring baguhin ang anumang
pagkakamaling nagawa, ngunit kung kikilos tayo sa kasalukuyan ay
maaring maisalba pa natin ang naghihikahos na inang kalikasan."may
bukas pa ang ating mundo".
Walang komento:
Mag-post ng isang Komento